Eftirköstin

Nú sit ég hér einn og hugsa um framtíðina, sem er nýtt. Fortíðin hefur átt hug minn allan síðustu mánuði. 'I fyrsta sinn í nokkra mánuði finnst mér vera framtíð. Hvað ber hún í skauti sér? Ekki veit ég það. Verð ég alltaf einn? Verður þetta eitthvað skárra? Er þetta bara svona? Er botninum náð? Þetta eru spurningarnar sem ég hef spurt mig stöðugt að síðustu daga og vikur.  'Eg hélt í einfeldni minni að öllum væri sama um mig, en hef illu heilli komist að því að svo er alls ekki. Kerfisbundið hef ég reynt að brjóta sjálfan mig niður og allt sem ég hef gert fram að þessu. Er mér ekki viðbjargandi? Jú, kannski. Er eðlilegt að fá taugaáfall eftir skilnað? Nei, það er ekki eðlilegt en það getur gerst. Er eðlilegt að sjá ljósið í enda ganganna í móðu? Já, sennilega. Hvað gerir maður sem lendir í svona krísu? Hann leitar sér hjálpar. Sumum spurningunum þykist ég kunna svarið við en það er ótal spurningum ósvarað. Við þeim spurningum leita ég svars. Eru sannir vinir bara vinir þegar þeir mega vera að því, eða eru það þeir sem henda öllu frá sér til að aðstoða vin? Fór til læknis í dag í klukkustundarviðtal sem gerði mér virkilega gott. Hún náði á þessari klukkustund að kenna mér að skilja hismið frá kjarnanum. Hvað er hismið og hvað er kjarninn? Hismið eru viðhlæjendurnir sem alltaf eru tilbúnir að vera til staðar þegar allt gengur vel, en kjarninn eru þeir sem eru ekki endilega til staðar þegar allt er í sómanum, en stíga upp þegar hlutirnir stefna á versta veg. Sumir sem lesa þetta gætu haldið að ég sé að vanþakka það sem ég hef fengið frá hysminu og sé að upphefja kjarnann, en svo er ekki. Maður á vini sem standa með manni í blíðu og aðra sem standa með manni í stríðu. Svo eru aðrir sem eru tilbúnir að gera hvoru tveggja. Þegar upp er staðið þá þykir báðum þessum hópum vænt um mann og eru að reyna að hjálpa manni eins og þeir geta og það er ég þakklátur fyrir.

Athugasemdir

[K Svava (IP-tala skráð) 2.5.2012 kl. 16:20]

Elsku frændi.

Skilnaður tekur alltaf gífurlega á sálarlífið og þá er gott að hafa einhverja til að halla sér að og leita til, þó ekki sé nema bara til að komast yfir sorgarferlið og halda áfram með gott líf.. Gangi þér vel með framtíðina, hún verður björt, treystu mér :)

[Kolbrún Roe (IP-tala skráð) 2.5.2012 kl. 19:53]

Elsku Siggi minn, sárt er að heyra í hverju þú hefur verið að lenda í undanfarið ..

Mér er ekki sama um þig ...

Þín vinkona,

Kolla ... :)

[Steinar Rafn Garðarsson (IP-tala skráð) 3.5.2012 kl. 01:28]

Sæll og blessaður Siggi

Það tekur mann alltaf sárt að vita af einhverjum sem á um sárt að binda. Gott að heira að hljóðið sé betra í þér og því fínt að hafa í huga að þegar botninum er náð er ekkert annað en að halda aftur upp á við endurbættur :)

Vil senda þér mínar bestu kveðjur úr Hveragerði.

Kveðja

Steinar Rafn

[Sigurður Sólmundarson (IP-tala skráð) 3.5.2012 kl. 08:22]

Þakka ykkur öllum fyrir hlýjar kveðjur:)

[Sigurður Sólmundarson (IP-tala skráð) 3.5.2012 kl. 11:12]

Þakka ykkur öllum fyrir hlýjar kveðjur:)