Að vera áhangandi!

'Eg er í eðli mínu svolítið mikill áhangandi. 'Eg á það til að standa þétt við bakið á fólki sem á í einhverjum deilum og leggja síðan fæð á hinn deiluaðilann. Oft er það tilhneiging mín að horfa á eina hlið teningsins og hlusta ekki á rök. Þetta er eitt af mörgu sem ég þarf að laga í mínu fari. Eitt dæmið er t.d ást mín á liverpool og hatur á öllum hinum liðunum. 'Eg er ekki sérstaklega rökfastur þegar ég lendi í deilum við man utd menn. 'Eg held mikið uppá Robert Downey jr, Robbie Williams, John Daly í golfinu, Herbert Guðmundsson, Gylfa, Rúnar og megas, Maradonna og Paul Gasgoigne í fótboltanum. Allir eiga þessir menn það sameiginlegt að hafa runnið á rassinn á svelli lífsins. 'Eg finn einhverja tengingu við menn sem eru breiskir, kannski vegna eigin breiskleika. Fyrst að ég hef haldið svona mikið uppá þessa einstaklinga, sem flestir eru grálúsugir af syndum, hví skyldi ég þá ekki halda uppá sjálfan mig? 'Eg ætla að verða eins og þessir menn, ætla að rísa uppúr öskustónni eins og fönix forðum, með í það minnsta einn brjálaðan aðdáanda, mig sjálfan! Lifið geðheil:)

Athugasemdir

[Bragi Jónsson (IP-tala skráð) 16.5.2012 kl. 22:40]

Enn og aftur frábær skrif Siggi :)

[Herdís Friðriksdóttir (IP-tala skráð) 17.5.2012 kl. 17:19]

Virkilega góð skrif hjá þér Siggi og gaman að lesa og fylgjast með. Vona að þú haldir skrifunum áfram og gefir svo út metsölubók fyrir jólin!